2026-cı il qeyri-iş günləri
Artıq bir çoxumuz istirahət planlarımızı hazırlamağa başlayırıq. Səyahətlərimizi planlayarkən bizə ən çox kömək edən qeyri-iş günlərini öncədən bilmək və nəzərə almaqdır. Bu bloqda siz 2026-cı ilin bütün qeyri-iş günləri, bayramları və xüsusi günləri haqqında ətraflı məlumat əldə edəcəksiniz. Beləliklə, növbəti il üçün səyahət planlamanızı buna uyğun edə bilərsiniz.
Mündəricat
- 2026-ci ilin əsas qeyri-iş günləri və bayramları
- İstirahət günlərinin effektiv planlaşdırılması
2026-cı ilin əsas qeyri-iş günləri və bayramları
Yeni il
Cümə axşamı və Cümə: Yeni ilin ilk iki günü ölkədə rəsmi qeyri-iş günləridir.
Ümumxalq Hüzn Günü
Çərşənbə axşamı: Azərbaycanda 1990-cı ildə baş vermiş “Qanlı Yanvar” hadisəsinin anım günü olduğu üçün qeyri-iş günüdür.
Qadınlar Günü
Bazar: Beynəlxalq Qadınlar Günü hər il olduğu kimi 2026-ci ildə də xüsusi gün kimi qeyd olunacaq. Lakin bu tarix bazar gününə düşdüyü üçün 9 mart qeyri-iş günü olaraq müəyyən edilib.
Novruz bayramı
Cümə - Çərşənbə axşamı: Novruz bayramı yazın gəlişini, təbiətin yenidən oyanmasını simvolizə edir. Bu bayramda 5 gün qeyri-iş günü olacaq.
Ramazan bayramı
Cümə və Şənbə: Ramazan bayramı bu il 20-21 mart tarixlərində qeyd olunur. Bu müqəddəs bayram insanlar arasında birlik, paylaşmaq və mərhəmət dəyərlərini ön plana çıxarır.
Qələbə Günü
Şənbə: Faşizm üzərində qələbə günü ölkəmizdə hər il qeyd olunur və qeyri-iş günü hesab edilir. Lakin bu tarix həftəsonuna təsadüf etdiyi üçün 11 may tarixi qeyri-iş günü olacaq.
Qurban bayramı
Çərşənbə və Cümə axşamı: Müsəlman dünyasının ən müqəddəs bayramlarından biri olan Qurban bayramı iki gün qeyd ediləcək.
Respublika Günü
Cümə axşamı: Azərbaycan Xalq Cümhuriyyətinin qurulmasının ildönümü münasibətilə bu gün qeyri-iş günü olacaq.
Milli Qurtuluş Günü
Bazar ertəsi: Milli Qurtuluş Günü Ümummilli Lider Heydər Əliyevin hakimiyyətə qayıdışını simvolizə edir və qeyri-iş günüdür.
Silahlı Qüvvələr Günü
Cümə: Azərbaycan Silahlı Qüvvələri Günü dövlət bayramı kimi qeyd edilir və qeyri-iş günüdür.
Zəfər Günü
Bazar: Zəfər Günü xalqın qəhrəmanlıq və birlik ruhunu vurğulayan xüsusi gündür. Lakin bu tarix həftəsonuna təsadüf etdiyi üçün 10 noyabr tarixi qeyri-iş günü olacaq.
Azərbaycan Respublikasının Dövlət Bayrağı Günü
Bazar ertəsi: Bu gün Azərbaycan xalqı üçün dövlət simvollarının önəmini əks etdirir və qeyri-iş günü hesab edilir.
Dünya Azərbaycanlılarının Həmrəyliyi Günü
Cümə axşamı: İlin son günü Dünya Azərbaycanlılarının Həmrəyliyi Günü ilə yekunlaşır.
İstirahət günlərinin effektiv planlaşdırılması
2026-cı ilin iş və istirahət günləri təqviminə əsasən, səyahət planları üçün ideal tarixlər müəyyən edilə bilər. 2026-cı il martın 20, 21, 22, 23, 24-ü Novruz bayramıdır.
Mart ayında olan qeyri-iş günlərinin, həmçinin Novruz və Ramazan bayramlarının bəzi tarixlərinin üst-üstə düşməsi və həftəsonuna təsadüf etməsi səbəbindən 9, 25, 26, 27 və 30 mart tarixləri də qeyri-iş günü olacaq. Uzunmüddətli tətil günləri səyahət üçün əlverişli dövrlərdir bu səbəbdən uzun səyahətlərinizi mart ayı üçün planlaya bilərsiniz.